Kandidati për kryeministër nga LDK, Lumir Abdixhiku nëpërmjet një video adresimi ka kërkuar votën e qytetarëve, të cilët ende nuk janë përcaktuar për ndonjë subjekt politik.
Abdixhiku në video thekson se ka refuzuar të bëjë fushatë elektorale negative, por sipas tij, të mbështetet në projekte konkrete.
“Po ju flas si Lumir, jo vetëm si kryetar i Lidhjes Demokratike të Kosovës. T’ju tregoj për fushatën time, për projektet tona, për atë se çfarë përfaqësojnë. Kam refuzuar të bëj fushatë negative. Kam refuzuar të ndaj, të përçaj, të ftoj qytetarëve ndarje e urrejtje. Në vend të saj, kam folur për projekte konkrete. Kam folur për pesë miliardë euro investime që do t’i bëjmë për katër vjet. Kam prezantuar projektin e spitalit të ri, që do të bëhet këtu në Prishtinë. Kam prezantuar projektin e kompleksit sportiv. Kam folur për parkun teknologjik, ku do të punësohen tridhjetë e pesë mijë të rinj të Kosovës:, ka thënë Abdixhiku.
