Prokuroria Themelore në Ferizaj ka kërkuar masën e paraburgimit prej 30 ditësh ndaj një personi. për shkak të dyshimit të veprës penale: “Vrasje e rëndë”, sipas Kodit Penal të Republikës së Kosovës.
Sipas një njoftimi të Prokurorisë së Ferizajt, për masën e kërkuar për paraburgim ekziston dyshimi i bazuar se më datë 23.01.2025, në orët e pasdites, në malet e fshatit Manastirc të komunës së Ferizajy, i pandehuri F.L., në mënyrë mizore dhe për motive ende të panjohura ka privuar nga jeta viktimën B.V.
Po sipas kësaj prokurorie, i pandehuri më pas e groposi viktimën në një vend në mal, me qëllim të fshehjes dhe zhdukjes së gjurmëve dhe largohet nga vendi i ngjarjes, kurse më datë 05.02.2025 nga disa persona të fshatit Manastirc gjendet trupi i pajetë i viktimës B.V. me të cilën do të kryente veprën penale “Vrasje e rëndë” neni 173 paragrafi 1 nënparagrafi 1.4 të KPRK-së.
Tutje bëhet e ditur se I pandehuri F.L., që nga data 5 Shkurt 2025, me vendim të Prokurorit të Shtetit gjendet nën masën e ndalimit 48 orësh për veprën penale të lartëcekur.
