Kandidati për kryeministër nga Lidhja Demokratike e Kosovës (LDK), Lumir Abdixhiku, ka ftuar qytetarët në tubimin përmbyllës të fushatës së partisë së tij, i cili do të mbahet sonte në Sheshin e Prishtinës.
“Ejani në tubimin e fundit të kësaj fushate të jashtëzakonshme, në ngjarjen që do të shënojë kthesën e madhe për Republikë,” ka deklaruar Abdixhiku duke e cilësuar këtë moment si vendimtar për fitoren e LDK-së në zgjedhjet e 9 shkurtit.
Në këtë tubim, që pritet të jetë më i madhi i mbajtur gjatë kësaj fushate, do të marrin pjesë figura të larta të partisë, mbështetës dhe simpatizantë nga e gjithë Kosova. Abdixhiku ka theksuar se ky është momenti për ndryshimin e madh dhe për një qeverisje të re.
“Le të ketë festë! Sepse kushtrimi ka rënë tashmë! Fitore, dhe asgjë më pak!” ka përfunduar ai. /Kosovatimes/
