Sot, në Kosovë po mbahen zgjedhjet e rregullta parlamentare. Kandidatët për deputetë nga tri partitë turke kanë ushtruar të drejtën e tyre të votës në vendvotimet përkatëse.
Në zgjedhjet e përgjithshme të këtij viti, ku marrin pjesë tri parti politike turke, Kryetari i Partisë Demokratike Turke të Kosovës (KDTP), Fikrim Damka, votoi në shkollën fillore “Motrat Qiriazi” në lagjen Kurila. I shoqëruar nga bashkëshortja e tij, Damka uroi që zgjedhjet të jenë të mbara për të gjithë dhe i ftoi qytetarët të dalin dhe të votojnë.
Edhe Kryetari i Partisë së Lëvizjes Turke Inovative (YTHP), Ertan Simitçi, votoi në shkollën fillore “Hysen Rexhepi” në Ortakoll. Simitçi shprehu besimin se do të kenë sukses në zgjedhje dhe theksoi rëndësinë që qytetarët të ushtrojnë të drejtën e tyre demokratike për të votuar.
Kandidatja e vetme për deputete nga Partia e Drejtësisë Turke të Kosovës (KATP), Badem Taçi, votoi në shkollën fillore “Anadolu” në Mamushë. Taçi gjithashtu theksoi rëndësinë që qytetarët të dalin në votime dhe të ushtrojnë të drejtën e tyre për të zgjedhur.
