Në Qendrën më të madhe të votimit në Prishtinë, në Fakultetin e Filologjisë qytetarët kanë hasur në vështirësi për tu orientuar për në vendvotime. Ekipi i RTK-së që po qëndron në këtë qendër votimi, raporton se vetëm rreth orës 08:00, në hyrje të këtij fakulteti janë vendosur shenja orientuese.
Qytetarët kanë thënë se të njëjtat nuk i kanë kuptuar, andaj është dashur që të kalojnë nga departamenti në departament derisa kanë gjetur vendvotimin.
Emanuel Gjoleka, menaxher në këtë qendër i tha RTK-së se personi që do duhej të qëndronte në tavolinën e informimit, në hyrje të këtij fakulteti, ka shkuar me vonesë.
Ndërsa, sa i përket vendosjes së shenjave e orientuese me vonesë, ai ka thënë se nuk kanë pasur informacione se kush do të merrej me këtë punë. E ka qenë vetë Gjoleka që deri atëherë është munduar që të merret me orientimin e votuesve.
