Kryetari i Partisë Demokratike të Kosovës, Memli Krasniqi, pasi ka shfrytëzuar të drejtën e tij qytetare për të votuar, këtë 9 shkurt e ka quajtur ditë të madhe për Kosovën.
“Sot është një ditë e mirë, ditë e madhe, ditë tepër e rëndësishme për vendin tonë, qytetarët tanë, demokracinë e Kosovës. Unë sapo votova në shkollën “Hasan Prishtina” me besimin e plotë për të ardhmen e qytetarëve tanë, për mundësinë e potencialin për të pasur një jetë më të dinjitetshme për të gjithë. Besoj që kjo ditë, duhet të shfrytëzohet nga secili qytetar që ka të drejtë vote, që të vijë e përmes ushtrimit të kësaj të drejte ta japin verdiktin nga dëshirojnë ta drejtojnë vendin. Ashtu siç e kemi bërë traditën e konsolidimit të këtij procesi të rëndësishëm demokratik, ta vazhdojmë edhe sot, sidomos tash që e kemi ligjin e ri zgjedhor”, tha Krasniqi.
