Shkruan: Gjon KEKA
Duke u bazuar në rezultatet preliminare nga KQZ të publikuara deri më tani dhe ato të exit poll-eve të ndryshme, dhe kompleksitetin ë këtyre zgjedhjeve në pamundësinë e formimit të vetëm të qeverisë nga ndonjëra prej partive politike, atëherë mundësitë apo opsionet e formimit të qeverisë mund të jenë të ndryshme.
Nuk duhet harruar se ka pasur një takim në mes të PDK dhe LVV në maj të vitit 2024 dhe mund të ketë pasur ndonjë dakordancë në mes tyre
Prandaj nisur nga këto mund të jenë këto opsione të mundshme të formimit të qeverisë së ardhshme:
Opsioni i parë është LVV dhe PDK sepse sikur dihet kryetari i PDK dhe Kryetari i LVV kanë pasur një takim në maji të vitit 2024 në një nga restorantet e Kosovës dhe askush nuk e di se për çfarë janë marrë vesh. Mund të ketë pasur dakordancë që në rast të formimit të Qeverisë kreu i Qeverisë t’i jepet PDK dhe pozita e presidentit Albin Kurtit ose anasjelltas. Po ashtu mund të ketë pasur dakordancë që disa nga ministrit e rëndësishme t’i jepeshin PDK vetëm që të mbahet kryeministri nga LVV dhe pozita e presidentit t’i rikthehet PDK ashtu sikur e kanë pasur më parë. Sidoqoftë këto janë vetëm pjesë e një analize bazuar në qëndrimet dhe takimet e këtyre dy partive në fjalë.
Opsioni i dytë është ai i Formimit të qeverisë nga partitë opozitare PDK,LDK dhe AAK, ku pozitën e kryeministrit të Qeverisë me marrë AAK, presidentin PDK kryetarin e Kuvendit LDK. ose pozitën e kryeministrit AAK, kryetarin e kuvendit PDK dhe presidentin LDK si një rikthim i LDK në presidencë, ose anasjelltas, këtu mund të hyjnë edhe pakicat joserbe si pjesë e këtij opsioni.
Opsioni i tretë është formimi i qeverisë nga të dyja opsionet e mësipërme si të mundshme me ndonjërën nga pakicat, dhe
Opsioni i katërt shumë pak i mundshëm, qeveri ekspertësh dhe përgatitja për zgjedhje të radhës,por që është më pak i mundshëm dhe nuk do t’i shërbente Kosovës për mirë sepse ka shumë punë përpara dhe pritën dinamika dhe hapa që duhet zënë Kosovë si nga brenda ashtu edhe në udhën e integrimeve euroatlantike.
Sidoqoftë një gjë duhet ditur secila parti politike në Kosovë që para dhe gjatë fushatës zgjedhore ka ngulmuar se nuk do të bëjë koalicion qoftë ajo nga pozita apo opozita, në rast se ndodhë ndonjë nga koalicionet dhe mos mbajtja e fjalës së dhënë gjatë fushatës në të ardhmen mund t’i kushtojë me vota secilës që nuk e mbanë fjalën e dhënën rreth koalicioneve për formimin e qeverisë. Katër vjet shkojnë shpejtë dhe zgjedhjet tjera vijnë sërish, vota dhe besimi i popullit duhet ruajtur nga partitë politike.
Ndërkaq cilado që të jetë kombinacioni i mundshëm i formimit të qeverisë, duhet pasur shumë kujdes që raportet me ShBA dhe punët e shtëpisë që duhet kryer për të arrit në hap me vendet tjera në prag të integrimit në institucionet euroatlantike. Po ashtu dialogu në mes të Kosovës dhe Serbisë do të jetë po ashtu pjesa me e vështirë e secilit që formon Qeverinë ,sepse me administratën Trump ka vetëm dy zgjidhje „merre ose leje“, dhe më pas në rast të pengesave nga cilado palë, ai e përdor „shkopin dhe karotën“. Ajo që është shumë më rëndësi për Kosovën si shtet, forcimi i institucioneve të saj demokratike, rendit dhe ligjit, lirive dhe të drejtave të njeriut dhe mediave dhe mbi të gjitha zhvillimi ekonomik dhe i mirëqenës së popullit pa të cilën nuk mund të ketë asnjë suksese tjetër dhe as të ardhme të sigurt drejt integrimit në Bashkimin Europian, në NATO dhe në hap me dinamikat e botës së civilizuar perëndimore.
