Komisioni Qendror i Zgjedhjeve ka bërë të ditur se është tejkaluar problemi për publikimin e rezultateve preliminare për subjektet politike nga procesi i votimit më 9 shkurt.
“Ju njoftojmë se në orët e hershme të mëngjesit është tejkaluar problemi për publikimin e rezultateve preliminare për subjektet politike nga procesi i votimit më 9 shkurt”, ka thënë zëdhënësi i KQZ-së, Valmir Elezi.
Ai ka njoftuar se të dhënat po shfaqen pa ndonjë pengesë në platformën e rezultateve dhe deri më tani janë procesuar rreth 90% e vendvotimeve.
Elezi ka thënë se mediat dhe qytetarët mund t’i referohen këtyre të dhënave që po shfaqen në platformën elektronike.
“Gjatë gjithë natës, KQZ ka verifikuar rezultatet që kanë arritur në platformën elektronike duke i krahashuar me të dhënat nga formularët e rezultateve të subjekteve politike që janë plotësuar në vendvotime pas numërimit të fletëvotimeve”, ka thënë Elezi.
