Presidenti francez, Emmanuel Macron, ka përdorur video të rrejshme të krijuara nga Intelegjenca Artificiale për të publikuar fillimin e Samitit të Veprimit të IA-së që po zhvillohet në Paris.
Në një video të postuar në llogaritë e tij në rrjetet sociale, Macron reagon ndaj një montazhi të videove të tij të falsifikuara në filma dhe seriale televizive të njohura duke thënë: “e bërë mirë”.
Videot e Macron të shfaqura në mediet e njohura, duke përdorur AI, kanë qarkulluar në mediet sociale franceze në muajt e fundit, raporton BBC.
Në tetor, ai i tha për ‘Variety’ se “deepfakes” mund të jetë një formë ngacmimi për disa njerëz.
Disa ekspertë kanë vënë në pikëpyetje përdorimin e “deepfakes”, duke thënë se normalizimi i tyre e bën më të vështirë zbulimin e lajmeve të rreme.
Montazhi i “deepfakes”, i cili është parë miliona herë në llogaritë e presidentit në ‘Instagram’, ‘X’ dhe ‘TikTok’, e tregon atë të futur në një hit në disko të viteve 1980, në një ‘tutorial’ për flokët e një influencuesi dhe në shfaqjen televizive të heroit aksion, MacGyver.
Video të tilla si këto kanë qenë të njohura në mediet sociale franceze për një kohë, kështu që Macron pranon se është bërë meme në disa qarqe të medieve sociale.
Pastaj Macron i vërtetë thotë: “Është bërë shumë mirë, më bëri të qesh”.
“Por më seriozisht, me inteligjencën artificiale, ne mund të bëjmë disa gjëra shumë të mëdha: të ndryshojmë kujdesin shëndetësor, energjinë, jetën në shoqërinë tonë”, tha presidenti 47-vjeçar.
Ai shtoni se “Franca dhe Evropa duhet të jenë në zemër të këtij revolucioni për të shfrytëzuar çdo mundësi dhe gjithashtu për të promovuar parimet tona.”
Videoja u postua përpara një samiti dyditor global të IA-së që fillon në Paris të hënën.
Qëllimi i samitit është të bashkojë liderët botërorë, drejtuesit e teknologjisë dhe akademikët për të shqyrtuar ndikimin e IA-së në shoqëri, qeverisje dhe mjedis.
“Deepfake’ i presidentit Macron mund të duket si argëtim i padëmshëm për të promovuar Samitin e IA-së në Paris, por në përgjithësi nuk është një gjë e mirë”, thotë Paul McKay, analist kryesor në konsulencën teknologjike ‘Forrester’.
“Normalizimi i ‘deepfakes’ në këtë mënyrë nuk duhet të inkurajohet pasi vazhdon vështirësinë për të treguar se çfarë është e vërtetë dhe çfarë jo, dhe në fund po ndihmon për të përcaktuar se çfarë është fakt nga trillimi”, tha McKay.
