Sipas një raportimi të portalit grek Protothema, një grua shtatzënë 34-vjeçare nga Serbia është arrestuar në Leptokaria e dyshuar për vrasjen e bashkëshortit të saj 58-vjeçar, Kostas Siamitras.
Ai u raportua i zhdukur më 2 shtator 2022 dhe gruaja e tij ka shprehur publikisht shqetësimin për zhdukjen e tij gjatë pesë muajve të fundit.
Pas një hetimi intensiv, policia mblodhi provat që çuan në arrestimin e bashkëshortes. Sipas Protothema, e dyshuara ka pranuar se gjatë një debati e ka larguar burrin e saj, i cili më pas është rrëzuar, e goditi kokën dhe ka vdekur. Më pas ajo e varrosi trupin në oborrin e shtëpisë së familjes.
Hetuesit, duke ndjekur udhëzimet e saj, gjetën trupin e varrosur rreth 40 centimetra thellë në oborrin pas shtëpisë së tyre. Gjatë hetimeve, e dyshuara ka marrë pjesë në daljet në media, duke kërkuar ndihmë për gjetjen e bashkëshortit të saj, gjë që tronditi edhe më shumë opinionin pas zbulimit të së vërtetës.
Ky rast ka tërhequr shumë vëmendje në Greqi, sidomos për faktin se gjatë hetimeve, e dyshuara ka shprehur publikisht shqetësimin për zhdukjen e bashkëshortit të saj, ndërsa siç ka pranuar tashmë ajo është përgjegjëse për vrasjen e tij.
