Të paktën 51 persona u vranë herët këtë mëngjes kur një autobus ra nga një urë në Guatemalë, tha një zëdhënës i zjarrfikësve të qytetit. Autobusi i mbushur me njerëz po udhëtonte për në kryeqytet nga qyteti i San Agustín Acasaguastlán, me më shumë se 70 persona. Ai ra në një përroskë rreth 20 metra të thellë nga ura Puente Belice, e cila kalon një përrua të ndotur.
Trupat e 36 burrave dhe 15 grave u dërguan në morg, tha zëdhënësi i departamentit të zjarrfikësve Carlos Hernandez dhe presidenti i shtetit Bernardo Arevalo shpalli tre ditë zie kombëtare. Zjarrfikësit raportuan se drejtuesi i autobusit humbi kontrollin e mjetit dhe u përplas me disa makina më të vogla përpara se të zbriste në një përroskë.
“Autobusi vazhdoi të lëvizë, depërtoi një gardh metalik dhe ra në një përroskë rreth 20 metra të thellë, derisa arriti në një lumë të ndotur me ujëra të zeza,” u tha gazetarëve Carlos Hernandez nga departamenti i zjarrfikësve.
