Marina GJERMANE ka regjistruar kohët e fundit përpjekje të përsëritura sabotazhi, tha dje komandanti i marinës, zëvendësadmirali Jan Christian Kaack për N-TV, duke i përshkruar incidentet si “një përpjekje për të testuar NATO-n”.
Kaack tha se incidentet përfshinin përpjekje për të depërtuar në bazat detare nga toka dhe deti dhe dëmtime të drejtpërdrejta në anije. Ndonëse ai nuk përmendi emrat e autorëve, ai paralajmëroi se veprimet ka të ngjarë të jenë pjesë e një përpjekjeje që synon “minimin e besimit publik” dhe destabilizimin e NATO-s.
Ekziston një shqetësim në rritje për taktikat hibride të Rusisë
Këto raporte vijnë në një kohë të shqetësimeve në rritje për taktikat e luftës hibride ruse në të gjithë Evropën. Incidentet e fundit në Detin Baltik, duke përfshirë sabotimin e dyshuar të kabllove nënujore që lidhin Letoninë, Suedinë dhe Finlandën, kanë rritur më tej frikën e sigurisë dhe kanë çuar në një prani të shtuar të aleatëve në rajon.
“Në vlerësimin tonë, ata po na testojnë. Ata po përpiqen të minojnë besimin e shoqërisë sonë – si në nivel kombëtar ashtu edhe brenda aleancës (NATO). Duke bërë këtë, ata po hedhin themelet për veprimet e mëvonshme aktive ushtarake,” tha Kaac.
Këto mbetje mund të kishin shkaktuar dëme serioze nëse nuk do të zbuloheshin në kohë, gjë që do të vononte më tej dorëzimin e anijes në Marinën. Hetimi ende nuk e ka konfirmuar zyrtarisht sabotimin, por autoritetet janë ende duke hetuar rastin.
Kërcënimi nga Rusia është shumë më serioz se dy vjet më parë
Gjermania ka rritur kundërmasat, shtoi Kaack, duke theksuar se kërcënimi nga Rusia në fillim të vitit 2025 është dukshëm më serioz se dy vjet më parë. Ai paralajmëroi se ekspertët dhe agjencitë e inteligjencës parashikojnë se Rusia mund të jetë gati për të filluar një konflikt me NATO-n që në vitin 2029.
