Ministri i Jashtëm sudanez Ali Youssef Sharif tha sot në Moskë se është arritur një marrëveshje për krijimin e një baze detare ruse në Sudan, në bregun e Detit të Kuq.
“Ne jemi plotësisht dakord për këtë çështje dhe nuk ka asnjë pengesë”, tha Sharif pas bisedimeve në Moskë me homologun e tij rus Sergei Lavrov, por ai nuk dha detaje të mëtejshme, raportoi Reuters.
Gjeneralët e ushtrisë sudaneze që rrëzuan ish-presidentin Omar al-Bashir në vitin 2019 kanë thënë vazhdimisht se ky plan është në shqyrtim, por marrëveshja për bazën ruse nuk është zbatuar.
