Të shtëna me armë zjarri janë shënuar pranë Rinasit. Një i ri ka qëlluar me armë zjarri drejt disa efektivëve të policisë së shtetit.
Sipas informacioneve fillestare, shtetasi ende i paidentifikuar ka qëlluar policët duke u rrezikuar jetën, në momentin kur ata i janë afruar për ta arrestuar. Uniformat blu paraprakisht kishin informacion se një person ishte i armatosur dhe u organizua operacioni për kapjen e tij.
Fatmirësisht nuk ka asnjë të lënduar nga kjo ngjarje, ndërsa autori ka përfunduar menjëherë në pranga. Burime për mediat bëjnë me dije se i riu është person me precedent të mëparshëm penal.
Është arrestuar i riu që sulmoi forcat policore mbrëmjen e sotme në afërsi të Rinasit.
I arrestuari me emrin Klajdi Buza, 35-vjeçar ku sipas informacioneve nuk është i panjohur për policinë. Shtetasi është arrestuar dhe më parë në vitin 2022, pasi lëvizte i armatosur në rrugët e qytetit të Krujës.
Gjithashtu në vitin 2015 ai ka bërë denoncimin e makinës së tij ‘‘BMW X 5 me targa AA 987 BC, teksa policia në atë periudhë e kishte gjetur të braktisur në Fushë Krujë.Sakaq, 35-vjeçari është në duart e policisë dhe po procedohet për veprën e kryer.
