Pamja e saj tërhoqi shumë vëmendje, aq më tepër që së fundmi përfundoi kimioterapinë pasi vitin e kaluar mësoi se kishte kancer në vezore.
Me rastin e Ditës Botërore të Kancerit, e cila festohet më 4 shkurt, Bianca ka ndarë një mesazh emocionues në rrjetet sociale. Edhe pse më parë kishte qenë e vetëdijshme për rreziqet e kancerit për shkak të historisë së saj familjare të sëmundjes, duke përfshirë vdekjen e hallës së saj nga kanceri metastatik i gjirit dhe diagnozën e nënës së saj me mielomë të shumëfishtë, ajo kurrë nuk lejoi që sëmundja të dominonte jetën e saj. Në vitin 2021, ajo mësoi se mbante gjenin BRCA1, i cili e bëri atë të vendoste t’i nënshtrohej një mastektomie të dyfishtë parandaluese në 2022.
“Më 14 tetor fillova betejën time të kimioterapisë, e cila përfundoi të hënën e kaluar. Edhe pse procesi ishte jashtëzakonisht i vështirë, nuk u ndjeva e rraskapitur. Përkundrazi, u ndjeva e gjallë si kurrë më parë”, tha Bianca, e cila tani ndihet mirënjohëse dhe me një këndvështrim të ri për jetën.
Bianca i kaloi të gjitha sfidat me forcë dhe optimizëm të jashtëzakonshëm, duke theksuar se si kjo luftë e bëri më të ndërgjegjshme për jetën dhe sa mësoi të vlerësonte gjërat e vogla.
Ajo që nuk më vrau më bëri më të fortë”, ka përfunduar modelja.
Përveç kushtimit të kohës për të luftuar për shëndetin e saj, Bianca është gjithashtu nënë e dy fëmijëve – Matilda 17-vjeçare nga martesa e saj e parë dhe Mia nëntë-vjeçare, të cilën e ka me bashkëshortin e saj Matthew McRaom, me të cilin është martuar që nga viti 2016.
