Kajakeri Adrian Simancas i mbijetoi një sulmi nga një balenë gunga në ngushticën e Magelanit, e cila e gëlltiti atë së bashku me kajakun e tij dhe më pas e pështyu.
Simancas ndodhej në brigjet e Kilit, i shoqëruar nga babai i tij i cili ishte në një kajak tjetër, kur një balenë gunga doli në sipërfaqe dhe e gëlltiti bashkë me kajakun dhe incidenti u regjistrua në kamera nga babai i tij, shkruan Sky News.
– Mendova se kisha vdekur. Mendova se më ka ngrënë, se më ka gëlltitur”, ka thënë Simankas.
Balena ka nxjerrë nga goja Simankas (24) së bashku me kajakun e tij pas disa sekondash, gjë që është kapur edhe nga kamera e babait të tij.
Ai tha se edhe pasi balena e pështyu, ai ishte ende i shqetësuar se mund të ngordhte në ujërat e akullta.
Kur nisa të notoja, kisha frikë se mos i ndodhte diçka babait tim, mos ia dilnim në breg me kohë ose do të merrja hipotermi, tha Simankas.
Babë e bir kanë arritur të dalin shëndoshë e mirë në breg pas ngjarjes.
Ngushtica e Magelanit është një atraksion i madh turistik në Patagoni, rreth 3000 kilometra nga kryeqyteti kilian Santiago.
