Ambasadori i Republikës së Shqipërisë në Kosovë, Petrit Malaj, ka takuar drejtoreshën e Institutit të Kosovës për Mbrojtjen e Monumenteve, Rrezarta Loxha Vitaku, me qëllim forcimin e bashkëpunimit për ruajtjen dhe promovimin e pasurisë kulturore në të dyja shtetet.
Gjatë takimit, ata diskutuan për ruajtjen, restaurimin dhe menaxhimin e pasurisë monumentale dhe diversitetit kulturor në Kosovë.
U shkëmbyen ide dhe opinione për promovimin e kësaj pasurie edhe në Shqipëri, përmes medias dhe institucioneve arsimore, si dhe për shkëmbimin e ekspertizave me institucionet homologe në Shqipëri.
Gjithashtu, në IKMM u mbajt një takim me grupin e arkitektëve dhe historianëve që po punojnë për projektin e ndërtimit të Muzeut të Rezistencës në Prekaz, kushtuar kontributit të Familjes Jashari në çlirimin e Kosovës dhe rrugën e saj drejt pavarësisë. /Kosovatimes/
