Policia e Kosovës ka bërë të ditur se shtatë raste të dhunës në familje janë raportuar në 24 orët e fundit. Sipas Policisë, pesë persona janë arrestuar dhe një është dërguar në spitalin psikiatrik për trajtim.
Rastet e dhunës në familje, sipas Policisë, kanë ndodhur në Podujevë, Fushë Kosovë, Kaçanik, Pejë, Klinë dhe në Rahovec
Në Podujevë Policia ka bërë të ditur se arrestuar një person, pasi dyshohet se ka sulmuar fizikisht një grua.
“Viktima ka pranuar tretman mjekësor, ndërsa i dyshuari pas intervistimit, me vendim të prokurorit, dërgohet në mbajtje”, ka njoftuar Policia.
Në Fushë Kosovë është arrestuar një person, pasi që i njëjti, pas një mosmarrëveshje, dyshohet se ka sulmuar fizikisht një grua.
“Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje”, ka bërë të ditur Policia.
Ndërkaq, në Kaçanik është arrestuari dyshuari, pasi që i njëjti pas një mosmarrëveshje kishte sulmuar fizikisht viktimën femër kosovare.
Viktima, sipas Policisë, ka pranuar tretman mjekësor, ndërsa i dyshuari pas intervistimit, me vendim të prokurorit, është dërguar në mbajtje.
Në Pejë një grua ka raportuar se është shqetësuar nga ish bashkëshorti i saj, ndërsa rasti është nën hetime.
Po ashtu në Pejë është arrestuar një person tjetër pasi që i njëjti dyshohet se pas një mosmarrëveshje, është fjalosur me dy burra.
Me vendim të prokurorit, pas intervistimit, i dyshuari është liruar në procedurë të rregullt.
Në Klinë, Policia ka arrestuar nj burrë, pasi që i njëjti ka ushtruar dhunë ndaj një gruaje.
Me vendim të prokurorit, pas intervistimit, i dyshuari është liruar në procedurë të rregullt.
Kurse në Rahovec ankuesi, ka raportuar se djali i tij me probleme psikike, herë pas here iu shkakton dhunë fizike.
Sipas Policisë, me vendim të prokurorit, i dyshuari është dërguar në spitalin psikiatrik në Gjakovë për trajtim. /Kosovatimes/
