Një person ka mbetur i lënduar pas plagosjes me armë zjarri në rrugën “Shkupi” në Prishtinë.
Rasti ka ndodhur rreth orës 00:15, ka konfirmuar zëdhënësi i policisë për rajonin e Prishtinës, Agron Borovci.
“Me të marrë informatën, policia ka dalë në vendin e ngjarjes dhe nga informacionet e para është bërë e ditur se një person është plagosur nga arma e zjarrit dhe se i njëjti është dërguar në QKUK për trajtimin e nevojshëm mjekësor”, ka njoftuar ai.
Aktualisht policia ka identifikuar një të dyshuar të përfshirë në rastin në fjalë, ndërkaq po vazhdon punën e saj operativo-hetimore si dhe të ekzaminimit të vendngjarjes me qëllim të sqarimit të plotë të rrethanave që karakterizojnë ngjarjen, si dhe lokalizimin e të dyshuarit. /Kosovatimes/
