Ka vdekur profesori, shkrimtari dhe përkthyesi shqiptar, Muhamed Kërveshi. Lajmin për vdekjen e tij e kanë konfirmuar familjarët e ndjerit.
Kërveshi kishte lindur në Mitrovicë më 1935. Shkollën fillore e kreu në Pejë, ndërsa gjimnazin në vendlindje.U largua nga Kosova për të studiuar filozofi në Universitetin e Beogradit dhe më pas kreu studimet pasuniversitare në Zagreb. U rikthye në Kosovë, në Prishtinë, ku mbrojti më pas edhe doktoraturën. Ka dhënë mësim në Fakultetin e Filologjisë të Universitetit të Prishtinës.
Në krijimtarinë e tij kanë mbetur dhjetëra vepra, disa për të rritur, për fëmijë si dhe libra të shqipëruar nga gjuha frënge.
Mbledhja komemorative mbahet në sallën e Kuvendit Komunal në Pejë nesër nga ora 14:00, ndërkaq funerali i të ndjerit drejt varrimit niset në orën 16:00. /Kosovatimes/
