Në Berlin është nënshkruar marrëveshje për bashkëpunim në kinematografi, mes Qendrës Kinematografike të Kosovës dhe Austrian Film Institute.
Ministri në detyrë i Kulturës, Rinisë dhe Sportit, Hajrulla Çeku përmes rrjetit social ‘Facebook’ bëri të ditur se kjo marrëveshje krijon mundësi të reja për produksionet filmike, artistët dhe kineastët nga të dyja vendet që të punojnë së bashku, me urimin që komuniteti i filmit të ketë suksese në realizime të përbashkëta filmike kosovaro-austriake. /Kosovatimes/
