Gjilani ka fituar me përmbysje kundër Ballkanit të dielën në kuadër të Javës së njëzetë në Superligën e Kosovës në futboll. Gjithashtu edhe Llapi ka mposhtur Feronikelin.
Në Gjilan, Ballkani ka kaluar në epërsi në minutën e dyzet e një me golin e Tolajt, por skuadra vendase fillimisht e ka barazuar rezultatin në minutën e gjashtëdhjetë e katërt me Jarovic e pastaj i njëjti futbollist e ka shënuar edhe golin e fitores në kohën shtesë.
Ndërkohë, në Drenas, Llapi ka triumfuar bindshëm ndaj Feronikelit. Veliu (10′, 66′) ka shënuar dy gola, ndërsa një autogol i Halilit në minutën e gjashtëdhjetë e ka vulosur rezultatin.
Pas këtyre rezultateve, Drita kryeson tabelën me dyzet e katër pikë, Ballkani është i dyti me tridhjetë e gjashtë pikë, Gjilani gjendet në vendin e pestë me njëzet e shtatë pikë, Llapi është në vendin e nëntë me njëzet e një pikë, ndërsa Feronikeli mbetet në vendin e dhjetë me vetëm dhjetë pikë.
