Sekretari amerikan i Shtetit Marco Rubio iu drejtua mediave pas takimit me kryeministrin izraelit Benjamin Netanyahu.Ai theksoi se Irani është burimi më i madh i destabilitetit në rajon.
Rubio akuzoi Iranin për mbështetjen e grupeve si Hamasi dhe Hezbollahun dhe se ishte përgjegjës për destabilizimin e Sirisë dhe nxitjen e dhunës në Bregun Perëndimor të pushtuar.
“Nuk mund të ketë kurrë një Iran bërthamor,” tha ai, duke shtuar se kjo mund të çojë që Irani të mbetet “imun ndaj presionit dhe veprimit”.
Ai tha gjithashtu se qëllimet amerikane dhe izraelite në Liban janë në një linjë, duke shtuar se një shtet i fortë libanez “mund të marrë dhe çarmatosë Hezbollahun”.
