HAMAS është gati t’ia dorëzojë Rripin e Gazës Autoritetit Palestinez, thanë burimet për Sky News Arabia dje në mbrëmje, siç raportoi Jerusalem Post . Sipas këtyre burimeve, Hamasi tha se nëpunësit e tyre civilë mund të “riintegrohen në administratën e re ose do të dalin në pension me garancinë se do t’u paguhen pagat”.
Më tej, burimet pohojnë se Hamasi e mori këtë vendim “pas presionit të konsiderueshëm egjiptian ndaj delegacionit të Hamasit që vizitoi Kajron”.
Izraeli do të dërgojë një delegacion të grupit të punës në Kajro sot për të negociuar një marrëveshje pengjeje dhe armëpushimi, tha zyra e kryeministrit. Delegacioni do të udhëhiqet nga koordinatori për pengjet dhe personat e zhdukur, gjeneral brigade Gal Hirsch, së bashku me një zyrtar të agjencisë izraelite të sigurisë Shin Bet (ISA) i njohur me emrin e koduar “M”.
Ekipi do të diskutojë zbatimin e fazës së parë të marrëveshjes së pengjeve, ku pritet lirimi i gjashtë pengjeve të mbetura të gjallë.
