Shkruan: Hyzri SALIHU
-17 Shkurti është një ditë historike dhe madhështore për kombin tonë, dita kur u kurorëzua me sukses përpjekja shekullore për liri dhe pavarësi e popullit shqiptar të Kosovës.
Ky moment nuk do të ishte i mundur pa sakrificën sublime të dëshmorëve të kombit, luftën heroike të UÇK-së dhe mbështetjen e pakursyer të Mërgatës Shqiptare, e cila në çdo kohë ka qenë krah për krah me atdheun.
Gjithashtu, mirënjohja jonë e përhershme i takon Shteteve të Bashkuara të Amerikës dhe aleatëve të saj, të cilët, përmes ndërhyrjes vendimtare të NATO-s, bënë të mundur çlirimin e Kosovës nga regjimi gjenocidal serb dhe hapën rrugën drejt shpalljes së Pavarësisë më 17 Shkurt 2008.
Ky akt historik është një hap i rëndësishëm në rrugën drejt realizimit të aspiratës sonë kombëtare bashkimit të trojeve shqiptare dhe krijimit të Shqipërisë Etnike.
Rrugëtimi ynë nuk ndalet me kaq. Me përpjekjet e pandalshme të kombit shqiptar kudo në botë dhe me bekimin e Zotit, besojmë se së shpejti do të vijë dita kur kufijtë artificialë do të zhduken dhe shqiptarët do të jetojnë të bashkuar në një shtet të vetëm.
Lavdi dëshmorëve të kombit!
Rroftë Kombi Shqiptar!
Rroftë Shqipëria Etnike!
