Ambasadori për Paqen Botërore dhe Presidenti i Institutit për Bashkëpunim dhe Zhvillim me seli në Francë, Tahir Shabani, ka uruar shqiptarët për 17-vjetorin e Pavarësisë së Kosovës.
Në mesazhin e tij, ai thekson se liria e Kosovës u arrit me sakrifica nga rezistenca paqësore dhe luftarake e Ushtrisë Çlirimtare të Kosovës, me mbështetjen e popullit dhe në partneritet me aleatët strategjikë, Shtetet e Bashkuara të Amerikës dhe NATO-n.
Urimi i Ambasadorit Tahir Shabani:
Urime popullit të Kosovës! Shpallja e Pavarësisë më 17 shkurt 2008 ishte kurorëzimi i përpjekjeve të popullit dhe institucioneve të Kosovës për liri, sovranitet e drejtësi. Ky moment shënon arritjen më të madhe në historinë e shtetit tonë.
Shprehim mirënjohje dhe falënderime për aleatët e Kosovës. Aspiratat tona për anëtarësim në Bashkimin Europian, OKB, NATO dhe institucione të tjera ndërkombëtare mbeten synime thelbësore.
Uroj që diplomacia kosovare, në bashkëpunim me mërgatën, të vijojë lobimin për njohje të reja dhe për një të ardhme më të ndritur për çdo qytetar të Republikës së Kosovës.
Nderim për të gjithë ata që kontribuuan dhe luftuan për Kosovën e pavarur!
Lavdi dëshmorëve të Kombit!
Gëzuar Ditën e Pavarësisë së Kosovës!
