Presidenti turk Rexhep Tajip Erdogan tha të martën se integriteti territorial dhe sovraniteti i Ukrainës janë të padiskutueshëm për Turqinë, ndërsa Ankaraja e pozicionoi veten si një mikpritëse e mundshme për bisedimet midis Rusisë, Ukrainës dhe Shteteve të Bashkuara, njoftoi agjencia shtetërore e lajmeve e Turqisë, Anadolu .
Duke folur në një konferencë të përbashkët shtypi me presidentin ukrainas Volodymyr Zelensky në Ankara, Erdogan tha se Turqia ishte e gatshme të mbështesë negociatat që synojnë arritjen e paqes së qëndrueshme. “Lufta, e cila ka shkaktuar viktima të shumta të pafajshme dhe shkatërrime të mëdha, duhet të përfundojë menjëherë,” tha Erdogan, duke shtuar se “paqja nuk ka humbës” dhe se bota pret një fund të konfliktit.
Deklaratat e tij vijnë pasi delegacionet ruse dhe amerikane u takuan në Riad për bisedimet e tyre të para të nivelit të lartë që nga fillimi i luftës në shkurt 2022. Të dy palët ranë dakord të vazhdojnë bisedimet për përfundimin e luftës dhe përmirësimin e marrëdhënieve dypalëshe.
