Presidenti i Hungarisë, Tamás Sulyok, i ka dërguar një mesazh urimi presidentes Vjosa Osmani, me rastin e 17-vjetorit të Pavarësisë së Republikës së Kosovës.
Në mesazhin e tij, presidenti Sulyok ka theksuar mbështetjen e Hungarisë për zhvillimin dhe integrimin e Ballkanit Perëndimor.
“Shpresojmë që në Kosovë të arrihen sa më shpejt reformat politike, ekonomike dhe sociale të nevojshme për të siguruar statusin e vendit kandidat për anëtarësim në BE”, ka shkruar Sulyok.
Gjithashtu, ai ka shprehur kënaqësinë e tij për zhvillimin e qëndrueshëm të marrëdhënieve dypalëshe midis Hungarisë dhe Kosovës, veçanërisht në fushën e bashkëpunimit ekonomik.
“Në këtë frymë – duke konfirmuar datën tashmë të dakorduar përmes kanaleve diplomatike – kam kënaqësinë t’ju ftoj Ju, Zonjë Presidente, që të realizoni një vizitë zyrtare në Hungari më 17 qershor 2025”, ka shkruar Sulyok.
Presidentja Osmani ka marrë mesazhe urimi edhe nga presidenti i Panamasë, Jose Raúl Mulino Quintero dhe Sulltani i Bruneit, Hassanal Bolkiah.
