Qiproja dhe Egjipti nënshkruan sonte një marrëveshje me një konsorcium energjetik për të eksportuar gaz nga puset detare qipriote në Evropë, pasi të përpunohet në Egjipt.
Egjipti, së bashku me gjigantin italian të energjisë Eni dhe kompaninë franceze TotalEnergies, kanë rënë dakord të “bashkëpunojnë për komercializimin e rezervave të gazit natyror të zbuluar” në një zonë në det të hapur të quajtur Blloku 6, sipas një deklarate nga qeveria qipriote.
Kjo është marrëveshja e parë e tillë e nënshkruar nga Qipro.
Gazi do të transportohet dhe përpunohet në Egjipt dhe më pas do të eksportohet në tregjet evropiane, tha Eni në një deklaratë.
Europa është në kërkim të burimeve alternative të gazit natyror pas pushtimit rus të Ukrainës.
Qiproja, e cila aspiron të bëhet një lojtar i madh energjetik në rajon, po eksploron depozitat e gazit natyror në ujërat përreth ishullit të Mesdheut.
Marrëveshja u nënshkrua në Kajro në prani të presidentit egjiptian Abdel Fattah al-Sisi dhe presidentit qipriot Nikos Christodoulides.
