Policia e Kosovës ka parandaluar kontrabandimin e mallrave në dy raste të ndryshme. I pari ka të bëjë me kalimin kufitar të mallit në mes të Kosovës e Shqipërisë, ndërkaq i dyti me një biznes në Gjilan.
“Policia kufitare, në brezin kufitar Republika e Kosovës-Republika e Shqipërisë (zona e Hasit), kanë ndaluar mjetin transportues në të cilin kishte të ngarkuar duhan. Gjatë kontrollit është hasur janë sasi e duhanit të grirë 2398 kg dhe cigare të llojeve: Marloboro, 2036 pako, Dunhill, 330 pako, Davidoff, 570 pako, Parliamnet, 270 pako, Winston, 450 pako, Sobranie, 300 pako, Pall mal, 90 pako, Lucky strike, 660 pako dhe Bat, 90 pako”, njofton policia për rastin e parë.
Rasti i dytë ka të bëjë me kontrabandim të mallrave si mjaltë, shampona, Vajra-guri, krema, pa dokumente përkatëse në një subjekt afaristë në rajonin e Gjilanit.
“Lidhur me rastin është njoftuar prokurori i cili ka dalë në vend-ngjarje. Dy persona lidhur me rastin janë ndaluar për 48 ore, ndërsa mallrat pa dokumentacione janë sekuestruar dhe dërguar në terminalin doganor”, njofton policia për rastin e dytë.
