Pas shërimit nga një lëndim që e mbajti jashtë fushës për disa muaj, Isco Alarcon po buzëqesh sërish në ‘tapetin’ e gjelbër.
Mesfushori i talentuar ka rifituar besimin në lojën e tij falë ambientit pozitiv te Real Betis, ku po shijon një rikthim të suksesshëm.
“Kur je diku ku njerëzit të duan, të mbështesin dhe të vlerësojnë, gjithçka bëhet shumë më e lehtë. Mendoj se e kam thënë edhe më parë, por një nga vendimet më të mira që kam marrë ka qenë të vij te Real Betis. E vërteta është se jam shumë i lumtur këtu”, u shpreh Isco.
Dëshira e madhe e mesfushorit spanjoll është të fitojë një trofe me Betisin.
“Ëndrra ime është të fitoj një titull me këtë ekip. Shpresoj që të mund të realizojmë gjithçka që kemi ëndërruar së bashku”, theksoi ai për ‘Marca’.
Lojtari, i cili po tregon formë të shkëlqyer këtë sezon, mbetet një nga figurat kyçe të skuadrës bardheblu në objektivat e saj për këtë edicion.
