Kryeministri i Republikës së Kosovës, Albin Kurti ka pranuar letër urimi nga Këshilltari Kryesor i Qeverisë së Bangladeshit, Muhammad Yunus, i cili në emër të popullit të Bangladeshit i ka përcjellë urimet më të ngrohta kryeministrit Kurti dhe popullit të Kosovës me rastin e 17-vjetorit të shpalljes së Pavarësisë.
“Bangladeshi dhe Kosova kanë marrëdhënie të shkëlqyera dypalëshe të karakterizuara nga respekti dhe mirëkuptimi reciprok, vlerat dhe interesat e përbashkëta. Ne vlerësojmë vendosmërinë dhe qëndrueshmërinë e vazhdueshme të popullit të Kosovës për zhvillim dhe prosperitetit”, thuhet në urim.
Ndër të tjera, z. Yunus në letrën e tij shprehet i bindur se lidhja e ngushtë e miqësisë dhe bashkëpunimit ndërmjet dy vendeve tona do të forcohet më tej në fusha të ndryshme, duke përfshirë tregtinë, investimet, turizmin, bujqësinë, arsimin, shëndetësinë, e shkëmbimin kulturor.
Përkthimi jozyrtar i letër urimit:
Shkëlqesi,
Në emër të popullit të Bangladeshit dhe në emrin tim, dua të ju përcjell urimet e mia të ngrohta për ju dhe përmes jush popullit mik të Kosovës me rastin të 17-vjetorit të Pavarësisë së Republikës së Kosovës.
Bangladeshi dhe Kosova kanë marrëdhënie të shkëlqyera dypalëshe të karakterizuara nga respekti dhe mirëkuptimi reciprok, vlerat dhe interesat e përbashkëta. Ne vlerësojmë vendosmërinë dhe qëndrueshmërinë e vazhdueshme të popullit të Kosovës për zhvillim dhe prosperitet.
Jam i bindur se lidhja e ngushtë e miqësisë dhe bashkëpunimit ndërmjet dy vendeve tona do të forcohet më tej në fusha të ndryshme, duke përfshirë tregtinë, investimet, turizmin, bujqësinë, arsimin, shëndetësinë, kontaktet ndërmjet njerëzve dhe shkëmbimet kulturor.
Le të punojmë bashkë për të promovuar lidhjet tona dhe bashkëpunimin për të mirën e përbashkët të vendeve tona dhe popujve tanë.
Ju lutem pranoni konsideratën time më të lartë.
