Analisti Shenoll Muharremi ka deklaruar se qeveria e ardhshme nuk duhet të mbështetet vetëm në një shumicë minimale prej 61 apo 63 deputetësh, por të sigurojë mbi 70 vota për të garantuar stabilitet dhe shmangur zgjedhje të reja të shpejta.
Sipas tij, LVV ka mandatin dhe legjitimitetin për të formuar qeverinë, por duhet të synojë një koalicion me LDK ose PDK duke u fokusuar jo vetëm në numrat, por edhe në cilësinë dhe qëndrueshmërinë e qeverisjes.
Muharremi theksoi se ekonomia dhe politika e jashtme duhet të jenë përparësi e partnerit të koalicionit, ndërsa LVV duhet të vazhdojë reformat në drejtësi dhe investimet në mbrojtje.
Ai paralajmëroi se një qeveri e brishtë me 61 vota do të ishte e rrezikshme për stabilitetin politik dhe ndërkombëtar të Kosovës duke kërkuar një qasje të fuqishme dhe efikase në formimin e ekzekutivit të ri. /Kosovatimes/
