Kanë përfunduar dy ndeshjet e të shtunës në kuadër të javës së 21-të në Superligën e Kosovës në futboll.
Drita ka bërë edhe një hap të madh në garën për titull të kampionit, duke mundur Suharekën, me rezultat 2-0, në Gjilan.
Lideri i tabelës është treguar ekip më i mirë se Suhareka, duke dominuar këtë sfidë dhe duke arkëtuar edhe tri pikë të vlefshme në garën për titull të kampionit.
Besnik Krasniqi (24’) nga penalltia dhe Rron Broja (63’), shënuan nga një gol për fitoren e Dritës e cila tani ka 47 pikë, dhjetë më shumë së ndjekësi Ballkani, kurse, Suhareka renditet e gjashta me 26 sosh.
Ndërkaq, sfida tjetër e ditës së sotëm mes Llapit dhe Malishevës, është mbyllur pa gola.
Malisheva mbetet në pozitën e tretë me 34 pikë, derisa Llapi është e parafundit me 22 sosh.
