Një 76-vjeçar nga fshati Dardani i Ferizajt është kapur duke mbajtur armë me leje të skaduar që nga viti 2021. Njësiti i Hetimeve ka nisur procedurë për veprën penale “Mbajtja në pronësi, kontroll ose posedim të paautorizuar të armëve”, ndërsa i dyshuari është liruar.
Me datë 23.02.2025, rreth orës 12:15, Njësiti i Hetimeve të stacionit policor në Ferizaj ka pranuar informacionin se një person, mashkull, kosovar, 76 vjeç, nga fshati Dardani, Ferizaj, po mbante në pronësi armë zjarri me leje të skaduar që nga viti 2021.
Pas pranimit të kësaj informate, Njësiti i Hetimeve ka kontaktuar me personin, i cili mbante në mënyrë të paautorizuar armë zjarri. Si rezultat, në shtëpinë e tij janë gjetur dhe konfiskuar:
1 pushkë gjuetie
35 fishekë gjuetie
1 pistoletë (revole) me 47 fishekë
“Me autorizimin e prokurorit të shtetit, është iniciuar procedura për veprën penale “Mbajtja në pronësi, kontroll ose posedim të paautorizuar të armëve”, ndërsa i dyshuari është liruar”, thuhet në njoftimin e policisë. /Kosovatimes/
