Shkruan: Shqiprim PULA
Kryeministri i Armenisë, Nikol Pashinyan, në një intervistë për France24, e bëri të ditur se pas më shumë se dy dekadash, si pjesë e një aleance ushtarake Organizata e Traktatit të Sigurisë Kolektive (CSTO), e drejtuar nga Moska, Armenia e ka vendosur ta pezulloj anëtarësimin e saj si rezultat i përçarjeve në rritje me federatën Ruse dhe Vladimir Putinin.
Organizata e Traktatit të Sigurisë Kolektive (CSTO), si klub i vendeve ish-Sovjetike, nuk i ka përmbushur detyrimet e saj të sigurisë ndaj Armenisë, saktësisht, neni 4 i Traktatit të Sigurisë Kolektive ku thotë se; “nëse një shtet anëtar i nënshtrohet agresionit, ai do të konsiderohet si agresion ndaj të gjitha shteteve anëtare”, duke e njohur kështu përgjegjësinë tonë për të garantuar paqe të qëndrueshme në rajonin tonë euroaziatik, kjo nuk ka ndodhur!, për shkak të dështimit për të ndërhyrë në konfliktin ushtarak për rajonin e Nagorno-Karabakut, me Azerbajxhanin fqinjë, i cili nuk është anëtar i Traktatit, tregoi kryeministri Nikol Pashinyan.
Ai, (Nikol Pashinyan) poashtu tregoi se misioni i Moskës ka dështuar edhe si rezultat i agresionit në Ukrainë, dhe aftësitë e Rusisë kanë ndryshuar, prandaj e ka bërë atë më pak të gatshme dhe më pak të aftë, për t’i mbrojtur anëtarët e organizatës.
Kryeministri i Armenisë, Nikol Pashinyan, përgjatë intervistës tregoi se, Armenia, tani po punon me ShBA-të dhe UE-në, për një sërë reformash për të forcuar demokracinë e saj. Gjithashtu, kryeministri Pashinyan, tregoi edhe për vizitën e ministrit Francez i Forcave të Armatosura, Sébastien Lecornu, për një paketë marrëveshjesh të reja armatimesh. Dhe, (Pashinyan) ka lënë të kuptohet se marrëveshjet me Rusinë mund të përfundojnë, si një kuadër krejtësisht i ndryshëm ligjor-kontraktor me daljen e Armenisë nga Organizata e Traktatit të Sigurisë Kolektive (CSTO).
