Kryetari i Lidhjes Demokratike të Kosovës (LDK), Lumir Abdixhiku, ka përgëzuar Friedrich Merz dhe partinë CDU për fitoren e tyre në zgjedhjet gjermane duke e cilësuar këtë si një mundësi të re për Kosovën.
“Për Gjermaninë është një ditë e rëndësishme; për Kosovën, një dritare e re. Kam përcjellë urimet për z. Merz dhe miqtë tanë në CDU. Në çdo takim të deritanishëm me kancelarin e ardhshëm gjerman, kam marrë gjithmonë mbështetje për Republikën tonë dhe për LDK-në,” ka deklaruar Abdixhiku.
Ai theksoi se fitorja e CDU-së dhe fuqizimi i së djathtës evropiane janë një shpresë për Kosovën. Në mesazhin e tij, kreu i LDK-së shprehu besimin se marrëdhëniet me Gjermaninë do të vazhdojnë të forcohen nën udhëheqjen e Friedrich Merz. /Kosovatimes/
