Shkruan: Shenoll MUHARrEMI
Kur e përcjell çka po ndodh rreth Ukrainës, Europës, por edhe me Arkitekturën Globale të Sigurisë përfshi ndryshimet në Pentagon e pastaj lexon reagime të SHBA-së si veprimet e qeverisë “rrezikojnë të krijojnë pasoja negative për të ardhmen e Kosovës në Evropë dhe marrëdhëniet tona dypalëshe”… është për me u brengosë.
Nuk është më situata si më parë, kur ka pas ‘durim’ dhe diplomacia ka nënkuptu konsultime. Tash kemi veprimeve të nxituara, pa pasur parasysh aleancat historike. Prandaj, duhet qasje tepër më sensitive që mos me u befasu si Ukraina ku Presidenti i saj prej një lideri dhe hero global u quajt ‘diktator’ dhe Ukraina tërthorazi u tha që ka nis luftën. Mind blowing.
Me gjasë, këtu në këtë reagim rreth Kosovës kemi të bëjmë edhe me aspektin social dhe human. Nuk janë në pyetje strukturat kriminale apo të sigurisë që janë largu më herët. Fjala është për struktura paralele sociale. Një rast më ndryshe.
Nuk ka dyshim që Kosova e ka të drejtën ligjore me i largu këto! Por kush po e të pyet sot a ke të drejt a jo? Ukrainës po i kërkohet 50% të resurseve të saja të mineraleve të ralla dhe naftës me kompenzu përkrahjen që i ofrohet. Nëse jo, je ‘diktator’ sa ora!
Në njërën anë, qeveria e Kosovës po nxiton me kriju një avantazh në terren para një marrëveshjeje që mundet me u detyru pa vonesa së shpejti. E në anën tjetër, duhet të kemi kujdes kur kemi të bëjmë me aspektet sociale. E kemi rastin edhe të strukturave paralele të shëndetësisë dhe arsimit.. Si duhet të sillemi me këto raste?
Gjëja e parë është mos me u nxitu. Me qenë agresivë kur janë në pyetje struktura të sigurisë dhe krimi i organizuar ndërkufitar… por, në anën tjetër, në intervenimet që prekin aspekte sociale dhe humane, përfshirë shëndetësinë dhe arsimin, duhet një qasje ndryshe.
