Javën e ardhshme pritet të mbajë mot relativisht i ngrohtë për këtë periudhë të vitit. Temperaturat minimale do të lëvizin ndërmjet -2°C dhe 3°C, ndërsa ato maksimale pritet të arrijnë nga 7°C deri në 14°C.
“Kjo situatë meteorologjike është rezultat i ndikimit të disa qendrave të presionit të ulët, të cilat kanë përfshirë disa rajone të Evropës. Gjatë pesë ditëve të ardhshme, moti do të jetë kryesisht i vranët, me intervale të herëpashershme me diell, të cilat do të ndikojnë në rritjen e temperaturave gjatë mesditës. Përveç kësaj, në periudha të kufizuara, parashihen edhe riga lokale shiu”, ka njoftuar Instituti Hidrometeorologjik i Kosovës (IHMK).
Detajet për ditët e javës:
- E Hënë, 24 Shkurt 2025
Moti do të jetë kryesisht i vranët dhe vende-vende me riga shiu. Temperaturat minimale do të lëvizin nga -1°C deri në 1°C, ndërsa ato maksimale nga 3°C deri në 6°C. Do të fryjë erë nga juglindja me shpejtësi 1-4 m/s. - E Martë, 25 Shkurt 2025: Mot me diell dhe vranësira të shpërndara. Temperaturat minimale nga -2°C deri në 0°C, maksimalet nga 7°C deri në 11°C. Era do të fryjë nga jugperëndimi.
- E Mërkurë, 26 Shkurt 2025: Vranësira me intervale me diell. Temperaturat minimale nga -2°C deri në 1°C, maksimalet nga 8°C deri në 12°C. Era e lehtë nga jugperëndimi.
- E Enjte, 27 Shkurt 2025: Kryesisht i vranët, mundësi për riga shiu. Temperaturat minimale nga 0°C deri në 3°C, maksimalet nga 9°C deri në 13°C. Era do të fryjë nga veriperëndimi.
- E Premte, 28 Shkurt 2025: Vranësira dhe intervale të shkurtra me diell. Mundësi për riga të dobëta shiu. Temperaturat minimale nga 0°C deri në 3°C, maksimalet nga 9°C deri në 14°C. Era e lehtë nga veriperëndimi. /Kosovatimes/
