Presidenti turk Rexhep Tajip Erdogan foli sot në kryeqytetin turk me ministrin e Jashtëm rus Sergei Lavrov në përvjetorin e tretë të agresionit rus kundër Ukrainës.
Lavrov aktualisht ndodhet në një vizitë zyrtare njëditore në Turqi. Më herët të hënën, ai foli me homologun e tij turk Hakan Fidan për luftën në Ukrainë, marrëdhëniet dypalëshe, si dhe konfliktin izraelito-palestinez dhe në Siri.
Erdogan dhe Lavrov zhvilluan një takim me dyer të mbyllura që zgjati gjysmë ore. Presidenti turk ofroi edhe një herë organizimin e negociatave për zgjidhjen e konfliktit.
Turqia, një vend i NATO-s me lidhje me Ukrainën dhe Rusinë, do të ishte i lumtur të priste dhe ndërmjetësonte bisedimet, tha Erdogan në një fjalim video të hënën.
Ai tha se e diskutoi këtë çështje me presidentin ukrainas Volodymyr Zelensky javën e kaluar gjatë vizitës së Zelensky në Ankara.
Erdoğan ka thënë më parë se Turqia është një vend “ideal” për bisedimet e mundshme të paqes.
