Ambasadori gjerman në Kosovë, Jorn Rohde, në trevjetorin e agresionit rus në Ukrainë thotë se nderojnë rezistencën e guximshme të Ukrainës kundër luftës brutale të Rusisë.
Rohde, ka shpërndarë një status të shefes së Komisionit Evropian, Ursula von der Leyen e cila tha se një Ukrainë e lirë dhe sovrane nuk është vetëm në interesin e Evropës, por të të gjithë botës.
Sipas saj, një investim në sovranitetin e Ukrainës është një investim në parandalimin e luftërave të ardhshme.
“Gjithashtu në Prishtinë, ne nderojmë rezistencën e guximshme të Ukrainës kundër luftës brutale të agresionit të Rusisë dhe nënvizojmë se Evropa vazhdon të qëndrojë me Ukrainën”, ka shkruar diplomati gjerman, Rohde, në mbështetjen e tij për Ukrainën.
