SOT shënon saktësisht tre vjet që kur Presidenti rus Vladimir Putin urdhëroi një pushtim të plotë të Ukrainës.
Në seancën e sotme të Asamblesë së Përgjithshme të Kombeve të Bashkuara u miratua një rezolutë që dënon agresionin rus kundër Ukrainës, duke shënuar përvjetorin e tretë të fillimit të pushtimit rus në Ukrainë. Rezoluta i referohet “pushtimit në shkallë të plotë të Ukrainës nga Federata Ruse” dhe rikujton rëndësinë e zbatimit të të gjitha rezolutave të mëparshme të miratuara si përgjigje ndaj agresionit të Rusisë kundër Ukrainës.
Për këtë rezolutë votuan 93 vende, 65 abstenuan, ndërsa kundër 18 shtete, përfshirë SHBA-në dhe Rusinë.
Në të njëjtën kohë, Shtetet e Bashkuara propozuan rezolutën e tyre që nuk përfshinte dënimin e agresionit dhe respektimin e integritetit territorial të Ukrainës. Më vonë, vendet evropiane shtuan amendamente në tekstin e rezolutës, duke përfshirë mbështetjen e qartë për sovranitetin e Ukrainës. Një version i ndryshuar i rezolutës kaloi gjithashtu, por SHBA vendosi të abstenonte nga votimi pas atyre amendamenteve.
Zyrtarët amerikanë dhe rusë do të mbajnë një takim pasues në Riad nesër, të martën, një javë pas bisedimeve midis ministrave të jashtëm të dy vendeve, tha sot një burim diplomatik për Agence France-Presse.
Gazetari e pyeti Zelenskyn se cilat ishin shpresat e tij për Ukrainën dhe popullin e saj pas tre vitesh luftë.
“Shpresojmë dhe dëshirojmë që ta përfundojmë luftën këtë vit”, u përgjigj ai, duke shtuar se ka qenë “shumë e vështirë” për të gjithë popullin.
Zelensky thotë se Ukraina ka nevojë për garanci sigurie në afat të shkurtër për të parandaluar kthimin e Rusisë në vitet në vijim.
Ai thotë se anëtarësimi së shpejti në BE dhe NATO do të “ndihmonte shumë”.
Zelensky së fundmi ra dakord të largohej nga posti i presidentit nëse Ukraina në këmbim bëhet anëtare e NATO-s. Rusia ka thënë se nuk do ta pranojë këtë si pjesë të ndonjë marrëveshjeje paqeje.
