Filmi i metrazhit të gjatë që ka në fokus emigracionin dhe pasojat që lënë pas, “Krejt e thirrin Rexhën” është përzgjedhur për të marrë pjesë në Bari International Film Festival, në Itali.
“Ky festival është një nga ngjarjet më të rëndësishme të kinemasë mesdhetare dhe filmi do të shfaqet në seksionin garues ‘Meridiana”, ka njoftuar regjisori Ibër Deari.
Deari më tutje ka njoftuar se filmi do të garojë për çmimet kryesore të festivalit, teksa kjo është pjesëmarrja e parë ndërkombëtare, pas shfaqjes në kinematë e Prishtinës, Tiranës e Shkupit.
Rasti i fshatit maqedonas të Sllupkovës, ku për shkak të braktisjes ka mbetur vetëm Rexha që kujdeset për gjithçka është kthyer në frymëzim për regjisorin Ibër Deari i cili ka sjellë si personazh në filmin e tij.
Në rolet kryesore të këtij filmi luajnë Afrim Muçaj, Adriana Matoshi e Ledion Mulaku ndërkaq në role të tjera janë Adem Karaga, Mirsad Abazi, Bereda Reshit, Bujar Ahmeti, Labinot Raci, Adrian Aziri, Daniela Markaj, Sara Bajrami.
