Kreu i AAK-së, Ramush Haradinaj ka pritur në takim ambasadorin e Suedisë në Kosovë, Jonas Westerlund, për të diskutuar rreth zgjedhjeve të 9 shkurtit.
Në një postim në Facebook, ai ka thënë se kanë diskutuar për zhvillimet politike në vend, forcimin e marrëdhënieve bilaterale mes Kosovës dhe Suedisë.
“Gjatë takimit ritheksova domosdoshmërinë e heqjes së sanksioneve të BE-së ndaj Kosovës, për t’i hapur rrugë zhvillimit dhe integrimit euro-atlantik. Për Aleancën, ky është objektivi kryesor strategjik, një rrugëtim që duhet të kulmojë me anëtarësimin e Kosovës direkt në NATO dhe BE”, ka shkruar ai.
