Kryetari i Kuvendit të Republikës së Kosovës, Glauk Konjufca ka pritur sot në takim ambasadorin e Italisë në Kosovë, Antonello De Riu.
Përmes një njoftimi për medie bëhet e ditur se në këtë takim u diskutuan çështje dhe zhvillime të aktualitetit në vend e më gjerë, si dhe aspekte të ndryshme të sigurisë.
“Në veçanti, u bisedua rreth zgjedhjeve të fundit parlamentare në Republikën e Kosovës, e në të njëjtën kohë në lidhje me legjislativin dhe ekzekutivin e ri që priten të formohen pas këtyre zgjedhjeve”, thuhet në njoftim.
Tutje bëhet e ditur se kryeparlamentari Konjufca e falënderoi ambasadorin Antonello De Riu për vizitën e tij dhe u shpreh i bindur se raportet e mira mes vendeve tona do të thellohen gjithnjë e më shumë në të gjitha fushat e interesit tonë të përbashkët.
