Ministri italian i Transportit i ekstremit të djathtë Matteo Salvini tha sot se Italia ka “detyrë” të bashkëpunojë me SHBA-në për të vendosur paqen në Ukrainë, në mënyrë që të shmanget Lufta e Tretë Botërore.
“Italia ka të drejtën dhe detyrën të punojë, së bashku me Shtetet e Bashkuara dhe të gjithë ata që po përpiqen me këmbëngulje dhe guxim të shmangin Luftën e Tretë Botërore, për të siguruar një të ardhme paqësore dhe të begatë për fëmijët tanë”, tha Salvini.
Ai theksoi se duhet punuar për arritjen e paqes pavarësisht, siç tha, “toneve luftarake” nga Brukseli, por edhe nga gazetarët italianë, transmeton Ansa.
