I dërguari i presidentit amerikan Donald Trump për misionet speciale, Richard Grenell, thuhet se ka bërë disa herë vizita jozyrtare në Zvicër për negociata për vazhdimin e furnizimit me gaz rus në Evropë përmes Nord Stream, shkruan Bild gjermane, duke cituar burime të mirëinformuara.
Selia e operatorit Nord Stream AD ndodhet në kantonin zviceran të Zug.
Sipas një investigimi nga Bild, negociatat sekrete janë duke u zhvilluar në Zvicër prej disa javësh se si të sigurohet gazi i lirë rus që rrjedh sërish në Gjermani.
