Zëvendëspresidenti i SHBA-së ka thënë se prania ushtarake e “ndonjë vendi të ndyrë” si pjesë e një force paqeruajtëse në Ukrainë nuk do të jetë e mjaftueshme për të siguruar paqen, me sa duket duke iu referuar Britanisë së Madhe. Britania, për kujtesë, ka përmendur mundësinë e dërgimit të ushtarëve të saj në Ukrainë si pjesë e një misioni të mundshëm paqeruajtës.
Në një intervistë me Fox News, JD Vance tha se e vetmja mënyrë për të arritur paqen e qëndrueshme është t’i jepet Uashingtonit një interes ekonomik për të ardhmen e Ukrainës.
“Nëse doni garanci reale sigurie, nëse vërtet dëshironi të siguroni që Vladimir Putin të mos sulmojë përsëri Ukrainën, garancia më e mirë e sigurisë është t’u jepni amerikanëve potencial ekonomik në të ardhmen e Ukrainës”, tha ai.
“Kjo është një garanci sigurie shumë më e mirë se 20,000 ushtarë nga një vend i rastësishëm që nuk ka qenë në luftë për 30 apo 40 vjet.”
Pavarësisht pretendimit të Vance, qindra ushtarë britanikë kanë vdekur duke luftuar në Irak dhe Afganistan.
Sipas të dhënave të disponueshme, 179 ushtarë britanikë vdiqën në Luftën e Irakut (2003-2011). Në luftën në Afganistan (2001-2021), numri i ushtarëve britanikë të vrarë është 453. Në total, kjo do të thotë se në të dy konfliktet humbën jetën 632 ushtarë britanikë.
Reagimet nga Britania nisën menjëherë.
Duke iu përgjigjur komenteve të Vance, ministri britanik i mbrojtjes i opozitës James Cartlidge tha: “Është një shfaqje e madhe mosrespekti të injorosh një shërbim dhe sakrificë të tillë.”
Ndërkohë, kryeministri britanik Keir Starmer tha se Mbretëria e Bashkuar, Franca dhe Ukraina do të punojnë së bashku për një marrëveshje paqeje që mund të paraqitet në SHBA.
Vendet që janë zotuar të bashkëpunojnë për këtë marrëveshje do të formojnë një “koalicion të vullnetarëve”.
Vendet në koalicion mund të dërgojnë përfundimisht ushtarë për të vepruar si paqeruajtës në Ukrainë në rast të një armëpushimi.
