Funksioni i duhur i veshkave është shumë i rëndësishëm për shëndetin e përgjithshëm të trupit tonë. Ato luajnë një rol kyç në largimin e papastërtive dhe ujit të tepërt nga trupi, dhe gjithashtu ndihmojnë në ruajtjen e ekuilibrit të ujit, kripërave dhe mineraleve në gjakun tonë.
Ajo që është e rëndësishme të theksohet është se ato janë shumë efikase në ndarjen dhe organizimin e punës – nëse njëra veshkë ose një pjesë e saj nuk mund ta kryejë mirë funksionin e saj për ndonjë arsye, pjesa tjetër e së njëjtës veshkë ose tjetra me shumë efikasitet merr përsipër punën e saj.
Në këtë mënyrë, parametrat e rëndësishëm fiziologjikë si presioni i gjakut dhe vëllimi i gjakut mbeten normale dhe produktet e mbeturinave ende eliminohen në mënyrë efikase nga trupi. Megjithatë, ushqimi është gjithashtu i rëndësishëm për funksionimin e duhur të tyre.
Hot dogët, sallami, salsiçet dhe proshuta janë ushqime të pasura me natrium dhe sasitë e tepërta të tij mund të rrisin presionin e gjakut dhe të sforcojnë veshkat.
Ju do të konsumoni deri në 103 kalori nëse hani vetëm një lugë majonezë me vaktin tuaj, tregon hulumtimi. Majoneza është një nga ushqimet që është jashtëzakonisht i pasur me yndyrna të ngopura. Në vend të kësaj, zgjidhni majonezë pa yndyrë ose me pak kalori që nuk përmban shumë natrium dhe sheqer. Për më tepër, do të ishte mirë nëse do ta zëvendësonit tërësisht me kos të shëndetshëm grek.
Përveç faktit që lëngjet përmbajnë një sasi të madhe sheqeri, vlerat e tyre ushqyese pothuajse nuk ekzistojnë. Për më tepër, pijet e mbushura me sheqer mund t’ju japin kalori të tepërta, dhe për rrjedhojë peshë të tepërt. Kërkimet shkencore kanë treguar se konsumimi i pijeve të gazuara lidhet me shfaqjen e osteoporozës, sëmundjeve të veshkave dhe problemeve me dhëmbët.
Jeta që jetojmë sot shpesh nuk lë shumë kohë për të shijuar përgatitjen e vakteve, kështu që gjithnjë e më shumë po zgjedhim ushqime të gatshme, të ngrira. Megjithatë, vaktet e ngrira kontribuojnë në zhvillimin e diabetit të tipit 2, siç kanë vërtetuar studime të shumta. Nëse po i blini tashmë, sigurohuni që të kenë pak natrium.
Patatet e skuqura sigurisht që konsiderohen si një nga ushqimet më të pashëndetshme dhe përveç që përmbajnë një numër të madh të kalorive, përmbajnë edhe një sasi të madhe të kaliumit, i cili nuk është i mirë për shëndetin e veshkave tuaja, transmeton Net.hr.
