Gjatë konferencës së sotme për shtyp, një GAZETAR e pyeti zëdhënësen e Shtëpisë së Bardhë Karolina Leavitt nëse presidenti amerikan Donald Trump këmbëngul për një kod specifik veshjeje.
Kujtojmë, presidenti ukrainas Volodymyr Zelensky erdhi në takimin e javës së kaluar në Zyrën Ovale i veshur me një bluzë të zezë të stilit ushtarak me stemën ukrainase, të cilën ai e ka veshur që nga fillimi i pushtimit rus në 2022.
“Disa zyrtarë këtu ishin të zemëruar që Zelensky u shfaq pa kostum në një takim në Zyrën Ovale javën e kaluar, por Elon Musk nuk vesh kurrë kostum. Pra, cili është kodi i veshjes?” gazetari e pyeti zëdhënësen e Shtëpisë së Bardhë.
Ajo u përgjigj se Musk kishte veshur një kostum gjatë fjalimit të Trump në Kongres mbrëmë. “Dhe unë mendoj se presidentit i pëlqeu vërtet kjo,” tha ajo. Rastësisht, Musk kishte veshur xhinse dhe një bluzë nën xhaketë gjatë një vizite të fundit në Zyrën Ovale.
